«janubiy koreya» tegli maqolalar
Janubiy Koreya aviaparvozlarda poverbanklar soni va quvvatiga cheklov joriy qiladi
Janubiy Koreyada samolyotda chiqqan yong‘indan so‘ng aviatsiya xavfsizligi kuchaytirilmoqda. 1-martdan yo‘lovchilarga 100 vatt-soatgacha bo‘lgan 5 ta poverbankni olib yurishga ruxsat beriladi, 160 vatt-soatdan ortiq batareyalar bortga qo‘yilmaydi. Bagajga poverbank va elektron sigaretlarni joylash taqiqlanadi.
Janubiy Koreyadagi o‘zbek mehnat muhojirlari orasida ish joyini tashlab ketish holatlari ko‘p — Migratsiya agentligi
Janubiy Koreyaga ishga yuborilgan o‘zbekistonliklar orasida shartnomadagi ish joyini tashlab ketish holatlari ko‘p uchrayapti. Hozir u yerdagi O‘zbekiston fuqarolarining 9,6 foizi nolegal maqomida. Migratsiya agentligiga ko‘ra, “agar ko‘rsatkich 10 foizga yetsa, Koreya biz bilan migratsiya aloqalarini to‘xtatishi mumkin”.
Janubiy Koreya prezidentiga rasman isyon uyushtirishda ayblov e’lon qilindi
Janubiy Koreya prokuraturasi prezident Yun Sok Yolga 3-dekabr kuni harbiy holat joriy etgani sababli isyonga rahbarlik qilishda ayblov qo‘ydi. Shuningdek, u asosiy siyosiy arboblarni qamoqqa olishni rejalashtirganlikda ham ayblanmoqda.
Janubiy Koreyada tug‘ilish darajasi 9 yil ichida ilk marta ko‘tarildi
Janubiy Koreyada 2024-yilning yanvar-noyabr oylarida tug‘ilganlar soni bir yil oldingiga nisbatan 3 foizga oshdi. Bu COVID-19 pandemiyasi tufayli kechiktirilgan nikohlar tiklangani bilan ham bog‘liq. Ammo mamlakat 0,72 tug‘ilish darajasi bilan dunyo bo‘yicha eng past ko‘rsatkichlardan birini qayd etib turibdi.
Janubiy Koreya prezidenti ikkinchi urinishda hibsga olindi
Tergovchilar ikkinchi urinishda Janubiy Koreyaning hokimiyatdan chetlatilgan prezidenti Yun Sok Yolni isyonchilikda ayblab hibsga oldi. Bu amaldagi, lekin hokimiyatdan chetlatilgan davlat rahbarining qo‘lga olinishidagi ilk holatdir.
Janubiy Koreya aeroportlarida radiomayoqli konstruksiyalar almashtiriladi
Janubiy Koreya hukumati mamlakat aeroportlaridagi radiomayoqli konstruksiyalarni almashtirmoqchi. Bunday qarorga Boeing 737−800 Jeju Air samolyoti halokatga uchragach, uchish-qo‘nish yo‘lagidan chiqib, bunday to‘siqqa urilgani sabab bo‘ldi. Hodisada bortdagi 181 kishidan 179 nafari halok bo‘lgan.
Koreya prezidenti impichment bo‘yicha ilk sud majlisida ishtirok etmaydi
Janubiy Koreya prezidenti Yun Sok Yol o‘z xavfsizligidan xavotirlanib, impichment ishi bo‘yicha seshanba kuni o‘tadigan birinchi rasmiy sud majlisida qatnashmaydi. Uning advokati prezidentning sudga borishi uchun shaxsiy himoya va xavfsizlik masalasi hal qilinishi kerakligini aytdi.
Koreya sudi prezident Yun Sok Yolning hibsga olinishiga oid orderni uzaytirdi
Seul okrug sudi mamlakatda harbiy holat joriy etilgani uchun impichment e’lon qilingan prezident Yun Sok Yolni hibsga olish orderini uzaytirdi. Tergovchilarning Yunni ushlashga bo‘lgan avvalgi urinishlari qo‘riqchilar qarshilik ko‘rsatgani sababli muvaffaqiyatsizlikka uchragandi.
Janubiy Koreyada prezidentni hibsga olish orderining ijrosi muvaffaqiyatsiz kechdi
Janubiy Koreyada harbiylar va qo‘riqchilar qarshilik ko‘rsatgani uchun prezidentlikdan chetlatilgan Yun Sok Yolni hibsga olish orderi muvaffaqiyatsiz kechdi. 31-dekabrda Koreya tarixida ilk bor sud amaldagi prezidentni hibsga olishga order bergandi. Yol bungacha chaqiruv qog‘ozlarini 3 marta e’tiborsiz qoldirgan.
Shavkat Mirziyoyev Koreyada samolyot qulagani munosabati bilan ta’ziya bildirdi
O‘zbekiston prezidenti Muandagi aviahalokat oqibatida ko‘plab insonlar halok bo‘lgani munosabati bilan Koreya Respublikasi prezidenti vazifasini bajaruvchiga hamdardlik bildirdi. Bortdagi 181 kishidan faqat ikki nafari omon qoldi.
Janubiy Koreyada prezident vazifasini bajaruvchiga ham impichment e’lon qilindi
Janubiy Koreya parlamenti bosh vazir, shu bilan birga, prezident vazifasini bajaruvchi Xan Dok Suga impichment e’lon qildi. Bu Su hukumati prezident Yol va uning rafiqasi tergoviga oid qonun loyihasini ko‘rib chiqish hamda konstitutsiyaviy sud tarkibiga sudyalarni tayinlashdan bosh tortganidan so‘ng sodir bo‘ldi.
KXDR Rossiya-Ukraina urushida mingdan ortiq askarini yo‘qotdi — Janubiy Koreya
Janubiy Koreya Rossiyaning Kursk shahrida o‘tgan janglarda kamida 100 nafar Shimoliy Koreya askari halok bo‘lgani, 1000 dan ortiq askar yaralanganini ma’lum qildi. Shuningdek, Pxenyan qo‘shimcha kuchlar yuborishga tayyorlanayotgan bo‘lishi mumkin. KXDR Rossiya-Ukraina urushiga 10−12 ming nafar harbiy yuborgani aytiladi.
Janubiy Koreyadagi siyosiy inqiroz uning ittifoqchilarini hayratda qoldirdi — Reuters
Janubiy Koreyaning prezident Yun Sok Yol tashqi siyosatini olqishlagan va mamlakat ichidagi siyosiy kelishmovchiliklarga unchalik ahamiyat bermagan ittifoqchilari uning harbiy holat joriy etish haqidagi qaroridan hayratda qoldi, deb yozdi Reuters.
Janubiy Koreya Konstitutsiyaviy sudi prezidentga impichment ishini ko‘rishni boshladi
Janubiy Koreya Konstitutsiyaviy sudi prezident Yun Sok Yolga harbiy holat joriy etishga uringani uchun impichment masalasini ko‘rib chiqishni boshladi. Sudyalar uni lavozimidan chetlashtirish yoki qayta tiklash to‘g‘risida qaror qabul qilishi kerak. Huquq organlari Yunni isyon ko‘tarish ishi bo‘yicha so‘roqqa chaqirdi.
Janubiy Koreya parlamenti prezidentga impichment e’lon qildi
Janubiy Koreya parlamentida harbiy holat joriy etishga uringan prezident Yun Sok Yolga nisbatan impichment e’lon qilishda yetarlicha ovoz to‘plandi. Uning lavozimidan chetlatilishi uchun 204 deputat ovoz berdi.
“Oxirigacha kurashaman”. Janubiy Koreya prezidenti isyon bo‘yicha ayblovlarni rad etdi
Janubiy Koreya prezidenti Yun Sok Yol harbiy holat joriy etish qarori “davlat ishlarini normallashtirish” uchun to‘g‘ri va zarur bo‘lganini aytdi. U isyon ko‘tarishda ayblanish va iste’foga chiqishga da’vatlarni rad etib, oxirigacha kurashishga va’da berdi.
Janubiy Koreya sobiq mudofaa vaziri hibsxonada o‘z joniga qasd qilishga urindi
Janubiy Koreya sobiq mudofaa vaziri Kim Yong Xyon Seuldagi o‘zi ushlab turilgan hibsxona hammomida joniga qasd qilishga urindi, hozirda uning sog‘lig‘i barqaror holatda. Avvalroq u harbiy holat joriy etilishi bilan bog‘liq barcha hodisalar uchun javobgarlikni o‘z zimmasiga olgandi.
Janubiy Koreya parlamenti prezidentga nisbatan tergov bo‘yicha maxsus prokuror tayinlanishini ma’qulladi
Janubiy Koreya parlamenti prezident Yun Sok Yolga qarshi ayblovlarni tergov qilish uchun maxsus prokuror tayinlash to‘g‘risidagi qonun loyihasini qabul qildi. Shuningdek, prezident davlatga xiyonat va o‘z vakolatini suiiste’mol qilish ishi bo‘yicha gumon qilinmoqda va mamlakatni tark etishi taqiqlangan.
Janubiy Koreya prezidentiga mamlakatdan chiqish taqiqlandi
Janubiy Koreya prezidenti Yun Sok Yolning mamlakatdan chiqishi taqiqlandi. Bundan tashqari, u davlatga xiyonatda va hokimiyatni suiiste’mol qilishda gumonlanmoqda. Politsiya uni so‘roq qilishi mumkinligini istisno etmadi.
Janubiy Koreya sobiq mudofaa vaziri hibsga olindi
Janubiy Koreya sobiq mudofaa vaziri Kim Yong Xyon tergov doirasida hibsga olindi. Prokuratura qo‘zg‘olon va hokimiyatni suiiste’mol qilish bilan bog‘liq ikkita jinoyat ishini tergov qilmoqda.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Samarqandda avtobus Cobalt bilan to‘qnashib ag‘darildi, bir kishi vafot etdi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting